اولورجنت وطن آچمیش آلاله

توتوب اَلده چاناق چؤلرده لاله

چیچکلر قالدیریر باش داغدا دوزده

سوزور صهبا چاناقلار ایچره ژاله

دوغا گولو دونون گیمیش  بزنمیش

بوتون عاشیقلره پایلیر پیاله

ایچیب فریاد ائدیر بولبول گولورگول

کولک سازین چالیر اوینور شلاله

اولوب دیر بخته ور میللت یاشیر خوش

دیبیله قویماغا یوخ دوشدی باله(کاچی)

بو مونجی چیخدی هاردان بار اللاهی

گتیردی  بوس بوتون  ایرانی حاله

ملکدیر اولمیا  گؤیدن  سالوب سان

بیزه روزی اولوب عئیدون حواله

بئله گؤیچک گؤزل اینسان اولانماز

سنی تانری جواب وئر بو سئواله

یاچوخ  مؤمیندی تقوادان قازانمیش

اولووییت  تاپیب چاتمیش کماله

ائدنده  نوطق شورای ملل ده

دئییلر دؤوره سین المیشدی هاله

کراماتیندا چوخ سؤزلر دئییرلر

یازیب تای توشلاری یوزلر مقاله

وئریر یارانه بُول بُول خشلیرهامی

داها یئریوخ  کونولرده ملاله

بوتون ائولرده شانلیکدیر بوتون توی

بئکارلیقدان  قاچیب  قم قوصه ناله

قودورموش  خالق هامی  لهوولعبده

کامانچا تارچالیر گوبسیر قاواله

جاوانلار نعشه  بازدیر پارکلاردا

چکیر تریاک کراک شیشه جغاله

یاتزریق ائله ییر  افیون داماردان

اولوب نعشه عروج  ائیلیر هیلاله

اولوب بعضی خومار قالخیب ایاقه

چمن لراوسته  ائیلیر رقص باله

هره بیرجور چکیر کیف اولسون احسن

بئله پاک دولته پاک  ال رجاله

داها  وورکان  بوراخ بسدی اوزاتما

قمیش قویما اوتان  اولماایماله